ಮಂಡ್ಯ ಲೋಕಸಭಾ ಕ್ಷೇತ್ರದ  ಕಾಂಗ್ರೆಸ್‌ ಅಭ್ಯರ್ಥಿ ಸ್ಟಾರ್‌ ಚಂದ್ರು  ಸೋಮವಾರ ನಾಮಪತ್ರ ಸಲ್ಲಿಕೆ..!

ಮಂಡ್ಯ : ಮಂಡ್ಯ ಲೋಕಸಭಾ ಕ್ಷೇತ್ರದ  ಕಾಂಗ್ರೆಸ್‌ ಅಭ್ಯರ್ಥಿ ಸ್ಟಾರ್‌ ಚಂದ್ರು  ಸೋಮವಾರ ನಾಮಪತ್ರ ಸಲ್ಲಿಸಿದರು. ಈ ವೇಳೆ 410 ಕೋಟಿ ಆಸ್ತಿಯನ್ನು ಘೋಷಿಸಿದ್ದಾರೆ.

ನೂರಾರು ಕೋಟಿ ಒಡೆಯನಾದರೂ ಸ್ಟಾರ್‌ ಚಂದ್ರು ಹೆಸರಲ್ಲಿ ಒಂದೇ ಒಂದು ಕಾರಿಲ್ಲ. ಪತ್ನಿ ಕುಸುಮಾ ಹೆಸರಲ್ಲಿ 4.20 ಕೋಟಿ ಚರಾಸ್ತಿ ಹೊಂದಿದ್ದಾರೆ. ಸ್ಥಿರಾಸ್ತಿ ಮೌಲ್ಯ 127 ಕೋಟಿ ರೂ. ಇವರ ಒಟ್ಟು ಆಸ್ತಿಯ ಮೌಲ್ಯ 146 ಕೋಟಿ ಇದೆ. ನಗದು 64,94,175 ರೂ. ಇಟ್ಟುಕೊಂಡಿದ್ದಾರೆ. ಸ್ಟಾರ್ ಚಂದ್ರು ಅವರ ಸ್ಥಿರಾಸ್ತಿ ಮೌಲ್ಯ 237 ಕೋಟಿ ರೂ. 3 ಟ್ರ್ಟಾಕ್ಟರ್‌ ಹೊಂದಿರುವ ಸ್ಟಾರ್ ಚಂದ್ರು ಮಾಲೀಕತ್ವದಲ್ಲಿ ಕಾರು ಇಲ್ಲ. ಪತ್ನಿ ಕುಸುಮಾ ಬಳಿಯೂ ಯಾವುದೇ ವಾಹನ ಇಲ್ಲ. 

ಚಿನ್ನ 4.2 ಕೆಜಿ (2.30 ಕೋಟಿ ಮೌಲ್ಯ), ವಜ್ರ 71 ಸಿಟಿಎಸ್‌ (15 ಲಕ್ಷ ರೂ.). ಬೆಳ್ಳಿ 26 ಕೆಜಿ (21.50 ಲಕ್ಷ ರೂ.) ಹೊಂದಿದ್ದಾರೆ. ಸ್ಟಾರ್ ಚಂದ್ರು ಪತ್ನಿ ಕುಸುಮಾ ಬಳಿಯೂ ಯಾವುದೇ ಸಾಲ ಇಲ್ಲ. ಸ್ಟಾರ್ ಚಂದ್ರು ಹೆಸರಲ್ಲಿ ಯಾವುದೇ ಕ್ರಿಮಿನಲ್ ಪ್ರಕರಣ ಇಲ್ಲ. ಉದ್ಯಮಿಯಾಗಿ ಕಾಲಕಾಲಕ್ಕೆ ತೆರಿಗೆ ಪಾವತಿಸಿರುವುದಾಗಿ ಅಫಿಡವಿಟ್‌ನಲ್ಲಿ ತಿಳಿಸಿದ್ದಾರೆ.