ಏರ್ ಶೋ ವೇಳೆ ಎರಡು ವಿಮಾನಗಳು ಡಿಕ್ಕಿ ಹೊಡೆದ ಘಟನೆ ದೃಶ್ಯ ಸಮೇತ ವೈರಲ್ ಆಗಿದೆ. ಈ ದುರ್ಘಟನೆಯಲ್ಲಿ ವಿಮಾನ ನೆಲಕ್ಕಪ್ಪಳಿಸಿವೆ. ಪರಿಣಾಮ ಓರ್ವ ಪೈಲಟ್ ಸಾವನ್ನಪ್ಪಿದ್ದು, ಮತ್ತೊಬ್ಬ ಗಾಯಗೊಂಡಿದ್ದಾರೆ.
ದಕ್ಷಿಣ ಪೋರ್ಚುಗಲ್ನಲ್ಲಿ ಈ ಘಟನೆ ನಡೆದಿದೆ. ಬೆಜಾ ಏರ್ ಶೋ ವೇಳೆ ಆರು ವಿಮಾನಗಳು ಹಾರಾಟ ನಡೆಸಿವೆ. ಆದರೆ ಈ ವೇಳೆ ವಿಮಾನವೊಂದು ದಿಕ್ಕು ತಪ್ಪಿದಂತೆ ಅಡ್ಡಾದಿಡ್ಡಿ ಹಾರಿದೆ. ಕೊನೆಗೆ ನೇರವಾಗಿ ಮತ್ತೊಂದು ವಿಮಾನಕ್ಕೆ ಹೋಗಿ ಡಿಕ್ಕಿ ಹೊಡೆದಿದೆ. ಪರಿಣಾಮ ಎರಡು ವಿಮಾನಗಳ ನಿಯಂತ್ರಣ ತಪ್ಪಿ ನೆಲಕ್ಕುರುಳಿವೆ.
ವಿಮಾನ ದುರ್ಘಟನೆಯಲ್ಲಿ ಸ್ಪಾನಿಷ್ ಪ್ರಜೆ ಸಾವನ್ನಪ್ಪಿದ್ದಾರೆ. ಪೈಲಟ್ ಸಾವಿಗೆ ವಾಯುಪಡೆಯ ಅಧಿಕಾರಿ ಸಂತಾಪ ಸೂಚಿಸಿದ್ದಾರೆ.
ಆಕಾಶದಲ್ಲಿ ಹಾರಾಟ ನಡೆಸುತ್ತಿದ್ದ ವಿಮಾನಗಳು ‘‘ಯಾಕ್ ಸ್ಟಾರ್ಸ್’’ಎಂಬ ಸ್ಪ್ಯಾನಿಷ್ ಮತ್ತು ಪೋರ್ಚುಗೀಸ್ ಪೈಲಟ್ಗಳಿಂದ ನಿರ್ಮಿಸಲಾದ ಏರೋಬ್ಯಾಟಿಕ್ ಗುಂಪಿಗೆ ಸೇರಿದ ವಿಮಾನಗಳಾಗಿವೆ. ಡಿಕ್ಕಿ ಹೊಡೆದ ವಿಮಾನ ಯಾಕೋಚ್ಲೇವ್ ಯಾಕ್-52 ಎಂದು ಗುರುತಿಸಲಾಗಿದೆ.
