ಬೆಂಗಳೂರು/ಚಿಕ್ಕಬಳ್ಳಾಪುರ: ರೇಣುಕಾಸ್ವಾಮಿ ಹತ್ಯೆ ಪ್ರಕರಣದ ಆರೋಪಿ ದರ್ಶನ್ ಮತ್ತು ತಂಡದ ಸದಸ್ಯರನ್ನು ಪರಪ್ಪನ ಅಗ್ರಹಾರದಿಂದ ಮತ್ತೊಂದು ಜೈಲಿಗೆ ವರ್ಗಾಯಿಸುವ ಪ್ರಕ್ರಿಯೆ ಮುಂಜಾನೆ 4 ಗಂಟೆಯಿಂದ ಆರಂಭವಾಗಿದೆ. ದರ್ಶನ್ ಅವರನ್ನು ಬುಧವಾರ ಶಿರಾ ಮೂಲಕ ಬಳ್ಳಾರಿ ಜೈಲಿಗೆ ಕರೆದೊಯ್ಯಲಾಗುತ್ತದೆ ಎಂಬ ಮಾಹಿತಿ ಇದ್ದು, ಇಂದು ಚಿಕ್ಕಬಳ್ಳಾಪುರ, ಬಾಗೇಪಲ್ಲಿ, ಅನಂತಪುರ ಮಾರ್ಗವಾಗಿ ಬಳ್ಳಾರಿಗೆ ಕರೆದೊಯ್ಯಲಾಗುತ್ತದೆ.
ದರ್ಶನ್ ಅವರಿಗೆ ಎಸಿಪಿ ಭರತ್ ರೆಡ್ಡಿ ನೇತೃತ್ವದಲ್ಲಿ ಮೂರು ಪೊಲೀಸ್ ವಾಹನಗಳು ಭದ್ರತೆ ನೀಡಲಿವೆ. ದರ್ಶನ್ ಅವರನ್ನು ಪರಪ್ಪನ ಅಗ್ರಹಾರದಿಂದ ಮೇಕೇರಿ ವೃತ್ತ, ಹೆಬ್ಬಾಳ ರಸ್ತೆ, ಯಲಹಂಕ, ಚಿಕ್ಕಬಳ್ಳಾಪುರ ಮಾರ್ಗವಾಗಿ ಬಳ್ಳಾರಿಗೆ ಕರೆದೊಯ್ಯಲಾಯಿತು. ದರ್ಶನ್ ಅವರ ಕಾರು ಬಾಗೇಪಲ್ಲಿ ತಾಲೂಕಿನ ನರೇಪಲ್ಲಿ ಟೋಲ್ ಪ್ಲಾಜಾ ಮೂಲಕ ಬೆಳಗ್ಗೆ 6:40ಕ್ಕೆ ಆಂಧ್ರಪ್ರದೇಶ ಪ್ರವೇಶಿಸಿತು.
ದರ್ಶನ್ ಇದ್ದ ಕಾರಿನ ಕಿಟಕಿಗೆ ಕರ್ಟನ್ ಹಾಕಲಾಗಿತ್ತು. ದರ್ಶನ್ ಅವರನ್ನು ಅನಂತಪುರ, ಗುಂತಕಲ್, ಮಂತ್ರಾಲಯ ಮಾರ್ಗವಾಗಿ ಬಳ್ಳಾರಿಗೆ ಕರೆದೊಯ್ಯುವ ಸಾಧ್ಯತೆ ಇದೆ. ಉಳಿದ ಕೈದಿಗಳನ್ನು ಮೈಸೂರು, ಶಿವಮೊಗ್ಗ, ಧಾರವಾಡ, ವಿಜಯಪುರ, ಕಲಬುರಗಿ ಮತ್ತು ಬೆಳಗಾವಿ ಜೈಲುಗಳಿಗೆ ಕಳುಹಿಸಲಾಗುವುದು.
ಯಾರು ಯಾವ ಜೈಲಿಗೆ ಹೋಗುತ್ತಾರೆ?
ನಟ ದರ್ಶನ್ – ಬಳ್ಳಾರಿ
ಜಗದೇಶ್, ಲಕ್ಷ್ಮಣ್ – ಶಿವಮೊಗ್ಗ
ಧನರಾಜ್-ಧಾರವಾಡ
ವಿನಯ್-ವಿಜಯಪುರ
ನಾಗರಾಜ ಕಲಬರಗಿ
ಪ್ರದೋಷ-ಬೆಳಗಾವಿ
